IL MANGIARE
- L'apetét l'è la salsa pûssé buna che ghe sia.
- Mangia e murmurà, basta duma incumincià.
- A parlà s'entend, a mangià s'empiend.
- A mangia de s'ciupa, se sta mà de crepa.
- Quand ghe n'è minga, se mangia de rùnden e se caga de rùndenin.
- Quand se g'ha fam l'è bun anca el pan sant.
- Pan e pagn i è bun cumpagn.
Pan e pagn i fa mai dagn.
- Pan e nus mangià de spus.
- Se pan e nus l'è mangià de spus, nus e pan l'è mangià de vilan.
- El pan de chi olter el g'ha só sett crost e un crustin.
- El pan el vé mai in ódi, la carne sé.
- La carne tacada a l'oss l'è la pûssé buna.
- Quell l'è baloss; el maja la carne e 'l tra via i oss.
- Carne che crès, carne che cala, dàghen cun la pala.
- Carne che crès la g'ha de mangià de spess.
- Chi che canta a tàula e in lett i e matt perfett.
- Chi è lunch a mangià, l'è lunch a laurà.
- Chi mangia la gaina di olter impegna la sua.
- Chi vör mangià un bun bucun, mangi un pulin gross cumè un capun.
- I bun bucun i custa car.
- Pulenta dûra fa i bucun bun.
- Dopu cinch fett l'ha capi che l'era pulenta.
- L'e mej la pulenta in cà sua che pitanza a ca de chi olter.
- L'e mej mangià in una pignata bruta cun dent vergott, che in vûna bela cun dent
negott.
- L'è mej minestra rara che pult spessa.
(pult=polenta liquida fatta con farina gialla, latte e acqua)
- La minestra l'è la biada de l'om.
- Ris e fasöö, minestra de fiöö; ris e basgiann, minestra de tusann.
(basgiann=fave)
- Rara in tera, spessa in la pignata.
- Patati e fasöö l'e la carne di puarett.
- Verdûra e pój, aqua che böj.
- El manz a less, el vedell a rost.
- El stúà el va mangia cunt el cûgià.
- El va in lecc gnà el Re e gnà el Papa senza tacàs al pecc de la vaca.
- La buca l'è mai straca se la spuza mia de vaca.
- La cazzöla senza cùdech, l'insalata senza aj, l'è istess d'una spusa senza bagaj.
- L'aj e la scigulina i è i Re de la cûsina.
- L'udur de scigulin el fa parlà töcc i visin.
- In la padela l'e bun anca un sciatt.
- Spusa e fritada, i va fà a fiamada.
- Fassa e desfassa e 'l temp che vanza mena la ganassa.
- Vénter degiûn el ghe da a tra a nessûn.
- Panza piena la ciama ripos.
- El var pússé un bun ripos che una mica nel gos.
- El var pússé un piatt de bela cera che tött i pítanz de 'sto mund.
- Per vess bun cume g'hann de vess i func? E l'eco dis: vunc, vuunc, vuuunc... !
- Se magna, se pacia, se lava la facia.
IL BERE
- Fin che dûra pan e vin, se pó impipàssen del destin.
- Pûssé che mangià e bef se pó minga fà.
- El mangià l'insegna a bef.
- El limun nel cafè el fa scampà pûssé de Nuè.
- El pan el ghe vór, el vin el ghe vurarìa.
- El ris nàs in l'aqua e vór muré nel vín.
- El vin se pó fal anca cun l'ûga.
- El vin l'è la teta di vecc.
- El vin a bun mercà porta l'om a l'uspedà.
- El vin el fa sanch, l'aqua la fa tremà i gamb.
- L'aqua l'è buna de lavàs i pé.
- Chi vór marscé, beva l'aqua e vaga a durmé.
- L'e mej el vin cold che l'aqua fresca.
- L'è mej la pinta piena, che la murusa dopu scena.
- L'om quand l'è ciocch el capés piö negott.
- Quell che fa ciapà la cioca l'e sémper l'ûltem bicér.
- Al dé adré cun poch la se manté.
- Om de vin, om puerin.
- Gent de «caffè», gent de poch de chè.
- Chi va via perd el post a l'usteria.
- Per fà fiuré l'usteria ghe vór el vin bun, la dona bela e l'om un pó cujun.
|